Հարգելի Anahit, եթե Ձեր նշանածը ՄԻԱՎ վարակակիր է, և Դուք, բնականաբար, չեք ուզում վարակվել ՄԻԱՎ վարակով, ապա հարկավոր է մշտապես ունենալ պահպանակով պաշտպանված սեռական հարաբերություն, որի դեպքում վարակն անհավանական է: Իսկ երեխա ունենալու և հղիության հետ կապված բոլոր հարցերի պատասխանները կտան գինեկոլոգներն ու վարակաբանները:

Մի ավելացում ևս, եթե Ձեր ամուսինը ՄԻԱՎ վարակակիր է, ու դուք պաշտպանված սեռական հարաբերություն եք ունենում ապա չեք կարող հղիանալ: Կարծում եմ Ձեր համար ևս ամենաանվտանգ և ճիշտ տարբերակը կլինի արտամարմնային բեղմնավորումը, դոնորական սերմնահեղուկով: Իսկ առավել  սպառիչ պատասխան Ձեր հարցին ու ճիշտ ուղղություն Ձեզ կտան գինեկոլոգներն ու վարակաբանները:   

Հարգելի Վիկա, եթե Դուք կասկածում եք, վարակվա՞ծ եք, թե,ոչ, անպայման պետք է հետազոտվեք` պարզելու և հնարավորինս շուտ սկսելու բուժումը։ Եթե արդեն գիտեք Ձեր վարակված լինելու մասին, միանշանակ, պետք է դիմել մասնագետի օգնությանը և ստանալ համապատասխան բուժում։ Ձեր վարակված լինելու պարագայում զուգընկերոջ կողմից պահպանակի օգտագործումը ծայրահեղ անհրաժեշտություն է, քանի որ ազատ սեռական հարաբերության դեպքում (առանց պահպանակի), տղամարդու վարակվելու հավանականությունը շատ մեծ է։ Եթե արդեն ունեցել եք ազատ հարաբերություն, զուգընկերոջն անպայման տեղյակ պահեք Ձեր հիվանդության մասին, որպեսզի նա նունպես հնարավորություն ունենա ժամանակին բժշկի դիմելու և բուժվելու։